كتب : محمد الهلاوى
المؤشرالرئيس EGX30 ان شاءالله رايح ل7600 نقطة تاني المستهدف 8000 نقطة ومفيش مشكلة لو شوفنا تهدئه في السوق او حتى بيع دي هتكون مؤقت او تهويشه شويا مش بيع بجد ﻻن السابق هيلف مكانه ينتظر المسبوق وميزان اﻻسعار شغال….مرة تاني عشان البيه
(1) الصف اﻻول من الورق حقق مستهدفاته واصطدم بالسقف ويظل في اﻻنتظار وبيلف ويصرف ويتدوال حول منطقة مستهدفاته وهيفضل يلف في مكانه داخل حدود سعرية ضيقه.
(2) الصف الثاني من الورق اقترب من تحقيق مستهدفاته ويصطدم بالسقف ويقف في اﻻنتظار يلف مكانه ويصرف .
(3) الصف الثالث من الورق يستعد للصعود لتحقيق مستهدفاته حتى يصطدم بالسقف واﻻلحاق باخوانه
بعد ان يحقق اكثر من 70 % من اﻻسهم المكونه للمؤشرات تبدأ عملية التصحيح ﻻنه مفيش تصحيح قبل اكتمال اغلبية من اﻻسهم لمستهدفاته باستخدام الميزان السعري للاسهم .
من خلال ال3 بنود المذكوره عاليه يكون اﻵتي :-
الورق اللي حقق مستهدفاته خلاص بوس السهم وقول له اشوف وشك بخير
والورق اللي اقترب من تحقيق مستهدفاته خليك صاحي ومتوتر وايدك علي زر اﻻي باد او اللاب توب او الكمبيوتر اما الورق اﻻ لسه بيستعد لتحقيق مستهدفاته الورق ده تشتريه بدون تردد ﻻن ان شاءالله اجباري هيحقق مستهدفاته .
وهذة عينه عشوائية من اﻻسهم اللي حققت مستهدفاتها واﻻسهم الجاري تحقيق مستهدفاته واﻻسهم اللي بتستعد لتحقيق الهدف
1 – اسهم حقق مستهدفاته وبيلف حوله زى/ التجاري الدولي 42جم ومصر الجديدة ومدينة نصر وسوديك وبالم هيلز واﻻية اى سي ….الخ وتسمى اﻻسهم السابقه
2 – اسهم في اللحظات اﻻخيره من اﻻصطدام بسقف المستهدف وتبدء بعدها في الدوران حول الهدف وتسمي اﻻسهم اللاحقه زى/ اوراسكوم للاعلام والقلعه للاستشارات والوداي للاستثمار والمنتجعات والصعيد والكابلات …..الخ
3 – اسهم بتستعد للصعود وتسمى اﻻسهم المتاخرة او المسبوقه وهي اللي باعتبرها شراء حاليا من وجهة نظري زى/ القاهرة للزيوت والصابون وعامرحروب وبورتوجروب واموك وكونستراكشن وجي بي اوتو وبليفارا وعربية حليج وكابو والقناة وايجيترانس ودومتي وشمال افريقيا وجنوب الوادي للاسمنت.
هام :- اﻻسهم المذكوره هي عينه عشوائية وليس كل اﻻسهم وهي للايضاح فقط وليس للتوصية بالشراء او البيع او اﻻحتفاظ.
ماتم ذكره هي وجهة نظري الشخصية قد تصيب او تخطئ وليس توصية .
